ორგანიზაციის მისია:
ჩვენ გვინდა საქართველოში თანასწორუფლებიანი, არაძალადობრივი და აქტიური საზოგადოების ჩამოყალიბება. ამისათვის ჩვენ ვესწრაფვით საზოგადოებაში გენდერული თანასწორობის დამკვიდრებას, ქალთა გაძლიერებას და გადაწყვეტილების მიღების პროცესში მათი როლის გაზრდას.
მიზნები:
ქალთა უფლების დაცვა და ქალთა მიმართ ძალადობის აღმოფხვრა, ქალთა განათლება და სპეციფიური უნარ–ჩვევების გაძლიერება, გენდერული სტერეოტიპების დასაძლევად საზოგადოების ფართო ფენებთან მუშაობა და ქალთა თვითრეალიზაციის ხელშეწყობა.
ღირებულებები:
ჩვენ ვზრუნავთ ქალებზე და გვსურს მათთან ერთად საზოგადოებაში ისეთი ცვლილებები შევიტანოთ, რაც ნებისმიერი დემოკრატიული საზოგადოების განვითარების წინაპირობას წარმოადგენს. ჩვენი მუშაობის ამოსავალი წერტილია:
- ტოლერანტობა
- გენდერული თანასწორობა
- მიზანდასახულობა
- საქმისადმი ერთგულება
- არასამთავრობო და სამთავრობო სექტორთან თანამშრომლობა
- ურთიერთნდობა და სწრაფვა მუდმივი განვითარებისკენ
საქმიანობა:
ქალთა კონსულტირება პრობლემური სიტუაციების დაძლევის მიზნით; ქალთა პოსტსტრესული სიტუაციის შემდგომი რეაბილიტაცია; ქალთა საქმიანი უნარების განვითარების სოციალურ–ფსიქოლოგიური ტრენინგი; ქალთა სოციალური რეაბილიტაციის მიზნით სპეციალური სასწავლო სემინარებისა და მუშა ჯგუფების მოწყობა, საგანმანათლებლო–საინფორმაციო კამპანია.
- 1998 წლიდან საერთაშორისო ორგანიზაცია „ქალები, კანონი და განვითარება" საერთაშორისო ქსელის საქართველოს გუნდის წევრია.
- 2000 წლიდან არის საქართველოს ქალთა არასამთავრობო ორგანიზაციების კოალიციის წევრი, რომელიც შექმნილია ევროპის უსაფრთხოებისა და თანამშრომლობის ორგანიზაციისა და ადამიანის უფლებების დემოკრატიული ინსტიტუტის ოფისის (OSCE/ODIHR) მიერ.
- 2003 წლიდან არის რეგიონალური ქსელის „ქალთა ერთობა მშვიდობისათვის" წევრი. ქსელი შექმნილია UNIFEM –ის რეგიონალური პროექტის „ქალები კონფლიქტების პრევენციისა და მშვიდობის მშენებლობისათვის სამხრეთ კავკასიაში" ხელშეწყობით.
- 2003 წლიდან არის სამხრეთ კავკასიის ქალთა კოალიციის „ქალები მშვიდობისათვის" წევრი.
- 2003 წლიდან არის ქსელის „ქალთა ერთობა მშვიდობისათვის" წევრი.
